Ahadi zote zilizoahidiwa na Rais zitatimizwa.

     Kassim Majaliwa ambaye ni waziri mkuu ameeleza kuwa ahadi zote zilizoahidiwa na Rais Dkt .John Magufuli hususani ujenzi wa barabara Mikumi-Ifakara kwa kiwango cha lami zitatimizwa,vile vile amewaomba wananchi kuamini serikali yao.
     Amesema kauli hiyo jana [Jumanne septemba 17, 2019] akizungumza hayo kwa vipindi tofauti na wananchi wa Ifakara pamoja na wilaya ya Kilosa wakati akiwa mkoani Morogoro ikiwa ni siku ya nne ya ziara yake ya kikazi.

“Kila alichokiahidi Mheshimiwa Rais Dkt. John Magufuli nitakisimamia kuhakikisha kinatekelezwa, hivyo wananchi endeleeni kuiamini Serikali yenu. Serikali yenu ipo makini na ina dhamira ya dhati ya kuwaletea maendeleo kamaIlani ya Chama Cha Mapinduzi (CCM) ya 2015-2020 inavyoelekeza.''

kwa mujibu wa waziri mkuu ameeleza kua Serikali ya awamu ya tano inayoongozwa na Dkt,John Magufuli inahakikisha inashughulikia changamoto zote zinazowakumba wananchi katika mikoa mbali mbali Nchini ikiwemo mkoa wa Morogoro na kuendelea kuchapa kazi.                                                                      

   Aidha waziri mkuu ameeleza kuwa kila mtumishi wa umma Ahakikishe anajituma na kufanya kazi kwa bidii ili kuiwezesha serikali kufikia dhumuni lake la kuhimarisha maendeleo ya wananchi wake maeneo mbalimbali Nchini ikiwa ni pamoja na maeneo yote ya Vijijini.                                                                                  

        Hata ivyo Waziri mkuu ameeleza kwamba changamoto nyingi zinazo wakabili wananchi kama upatikanaji wa maji zitakuwa historia iwapo watumishi wa umma watatimiza majukumu yao ipasavyo kwa kuwa fedha nyingi za utekelezaji wa miradi hiyo utolewa na serikali.                                                                                                Alisema watumishi wa umma wanapaswa kuwa na nidhamu ya fedha za Serikali zinazopelekwa katika maeneo kwa ajili ya kugharamia miradi ya maendeleo ikiwemo ya afya, elimu na maji. “ Sina mzaha na watakaotafuna fedha hizo.”