Msako wa bidhaa zilizoisha muda wa matumizi wafanyika Shinyanga Mjini.

     wakaguzi kutoka Shirika la Viwango Tanzania TBS limeshirikiana na kamati ya ulinzi na usalama Mkoa wa Shinyanga imefanikiwa kukamata baadhi ya bidhaa ambazo zipita muda wa matumizi lakini zikiwa bado zikiendelea kuuzwa madukani  kama Supermarket mjini Shinyanga hali ambayo ni hatari kwa afya za watumiaji wa bidhaa hizo.

     Ambapo bidhaa hizo zimekamatwa jana kutokana na msako katika maduka mbalimbali Mjini Shinyanga na kukamata shehena ya bidhaa mbalimbali ikiwemo chakula na vipodozi ambazo zimeisha muda wa kutumika vikiendelea kuuzwa madukani.

                                                                                                                                                                                                                                                                                                                                                                                                                                                                                                                                                                                                Akizungumza baada ya kufanya ukaguzi huo,Kaimu Mwenyekiti wa Kamati ya Ulinzi na Usalama ya mkoa Mhe. Jasinta Mboneko ambaye ni Mkuu wa wilaya ya Shinyanga amesema licha bidhaa nyingi madukani kuwa zimeisha muda wa kutumika pia wamebaini kuna udanganyifu mkubwa wa kubadilisha lebo za muda wa matumizi katika bidhaa mbalimbali ili ziendelee kuuzwa sokoni.

     Kwa upande wake Mkaguzi wa kutoka Shirika la Viwango Tanzania TBS Helen Andrew amesema operesheni hiyo sasa ni endelevu kwa mikoa yote.