Uhamiaji watakiwa kuimarisha usalama Loliondo

 

Idara ya Uhamiaji nchini imetakiwa kuhakikisha inasimamia uingiaji na utokaji wa wageni katika mipaka ya nchi kwa kufuata sheria.

Hayo yamesemwa na Waziri wa Mambo ya Ndani, Mhandisi Hamad Masauni akiwa Loliondo, Ngorongoro Mkoani Arusha wakati akikagua maendeleo ya zoezi la uwekaji wa alama za mipaka katika eneo la pori tengefu la eneo hilo.

Amesema Serikali itafanya uhakiki wa kina ili kubaini uendeshaji wa asasi za kiraia nchini, ikiwemo namna wanavyofanya kazi zao kwa mujibu wa sheria na kwamba zitakazokiuka zitachukuliwa hatua za kisheria.

Waziri Masauni ameeleza kuridhishwa kwake na maendeleo ya zoezi huku akiwataka wahusika kuhakikisha kuwa zoezi hilo linakamilika kwa wakati.

Kwa upande wake mkuu wa wilaya ya Ngorongoro, Mwl. Raymond Mangwala amesema wamepokea maelekezo ya waziri na kwamba watahakikisha hali ya usalama wa wananchi na mali zao inaendelea kuimarishwa.

Mwl. Mangwala ambaye alikuwa akimuwakilisha Mkuu wa Mkoa wa Arusha, John Mongela alimueleza Waziri Masauni kuwa na kuwa zoezi hilo litaendelea kwa hali ya amani na utulivu katika eneo hilo la Wilaya ya Ngorongoro.

Waziri wa Mambo ya Ndani, Hamad Masauni akiwana baadhi ya Viongozi na Askari Wilayani Ngorongoro, alipotembelea eneo hilo kuangalia maendeleo ya zoezi la uwekaji alama kwenye mipaka ya pori tengefu la Loliondo lililopo Mkoani Arusha.