Sita wafariki na wanne kujeruhiwa wakienda kuzika Tabora

Watu sita wamefariki dunia na wengine kujeruhiwa kufuatia ajali ya gari dogo katika eneo la Inala mkoani Tabora.

Miongoni mwa watu sita waliofariki kati yao wanne ni wa familia moja ambao  walitokea Dar es Salaam kuelekea wilaya ya Urambo Tabora katika mazishi ya Mama mzazi wa mmoja wa marehemu hao.

Ajali hiyo imetokea  Juni 25, 2022, majira ya jioni, ambapo kwa mujibu wa mashuhuda gari ndogo ilihama katika upande wake na kuingia kwenye uvungu wa lori lililokuwa likitokea Tabora kuelekea Singida.