Utalii wa ndani: Wanafuzi chuo cha GITC Makambako wafanya ziara hifadhi ya Mikumi

Katika jitihada za kuunga mkono kampeni ya Royal Tour iliyozinduliwa na Rais Samia Suluhu Hassan, wanafunzi wa chuo cha Uandishi wa habari na utalii Grossal Institute Training College kilichopo Makambako mkoani Njombe,kimefanya utalii wa ndani kwa kutembelea hifadhi ya taifa ya Mikumi.

Akizungumzia ziara hiyo mkuu wa chuo cha GITC, Bwana George Mwita amesema lengo kubwa la kufanya ziara hiyo ni kwamba wanafunzi wajifunze kwa vitendo yale wanayoyasoma darasani, pia ni

katika kuunga mkono jitihada za zinazofanywa na wizara ya utalii.

Mwita ameongeza kuwa chuo kilichagua kutembelea hifadhi hiyo kutokana na ukubwa wa hifadhi hiyo

“Sisi tumechagua kutembelea hifadhi hiyo ni kutokana na uwepo wa vivutio vingi ndani ya hifadhi hiyo, hafu ni moja kati ya hifadhi kubwa kwa hapa nchini, sio kwamba hifadhi zingine hazina vivutio ila sisi tuliamua kwenda huko”

Kwa upande wao wanafunzi wa chuo hicho walisema ziara hiyo imewaongezea uelewa kuhusu vitu walivyokuwa wanavisoma darasani, huku wakisisitiza jamii kuwa na tabia ya kutembelea vivutio vinavyopatikana ndani ya nchi yetu.

Hifadhi ya Mikumi ni ya saba kwa ukubwa miongoni mwa hifadhi zinazopatikana Tanzania, na ina ukubwa wa km 1930.

Huu ni muendelezo wa ziara mbalimbali zinazofanywa na wanafuzi wa chuo cha GITC Makambako, katika jifunza kwa vitendo.

Wanafunzi wa GITC wakiwa na mkuu wa chuo hicho wakiwa kwenye geti la kuingilia

Baadhi ya wanafunzi wakiwa kwenye mti wa mbuyu ambao katikati upo wazi ambao zamani majangili walikuwa wanautumia kujificha wakifanya uharifu kwenye hifadhi hiyo