Taasisi ya kupambana na Rushwa Mkoani Kilimanjaro [Takukuru] imemkamata Daktari wa Hospitali ya Rufaa ya Mkoa wa Kilimanjaro Mawenzi.

                  Kamanda wa Takukuru wa Mkoa wa Kilimanjaro Holle  Makungu  alisema kuwa  Daktari Deogratiasi Urio , alikamatwa  novemba 15 ,2017Baada ya Taasisi hiyo kupokea malalamiko kutoka kwa ndugu wa mgonjwa  kwa mjibu wa kamanda wa Takukuru ,Urio  anadaiwa kupokea rushwa ya sh,150,000/=Kutoka kwa ndugu wa mgonjwa aliyekuwa anatakakufanyiwa upasuaji  katika Hospitali hiyo.
          Daktari huyo alikamatiwa katika mji mdogo wa Himo  akiwa kwenye baa moja maarufu iitwayo Mombasa High way baada ya kuwekewa mtego na makachero  wetu, alisema kamanda wa Takukuru.
           Mgonjwa  alikuwa anahitaji kufanyiwa upasuaji wa uvimbe katika kizazi tangu  octoba 2017, baada ya kufanyiwa vipimo katika Hospitali hiyo na kugundulika kuwa ana uvimbe.

          Bwana Makungu, ametoa rai kwa wauguzi wa Hospitali ya Mawenzi na kwingineko Mkoani  kilimanjaro wazingatie viapo ili Hospitali  ziwe mfano wa kuingwa katika utoaji wa  huduma .