Watu 10 wamekamatwa wakiwa na Nyara za Serikali

 Polisi Mkoa wa Mara wanawashikilia watu kumi kwa kosa la kukutwa na Nyara za Taifa kinyume na sheria za nchi .Akizungumza na waandishi wa habari kamanda wa Polisi wa Mkoa wa Mara  Juma  Ndaki , amesema watuhumiwa hao wamekutwa na Vipande  531 vya nyama kavu , Mikia 24 ya nyumbu ,mikia 12 ya Pundailia  nyaya 75 za kutegea  mapanga mawili ,Visu  viwili  dumu nane za maji na baiskeli kumi.
         













           Kamanda wa Polisi amesema kuwa mzigo huu ulikamatwa  kwenye Kambi yao ya ujangili  eneo la Togoro  ndani ya Hifadhi ya Taifa ya Serengeti  kwa ushirikiano wa askali wa hifadhi hiyo pamoja na pamoja na Polisi Wilayani humo.
            Na kusema kuwa watuhumiwa wote ni wakazi wa  Kata za Nyambureti na  Nyamatare Wilayani Serengeti .