Jafo awakalia koo wahandisi .

              Waziri  wa Nchi ofisi ya Rais Tawala za Mikoa  na Serikali za mitaa [TAMISEMI] Selemani Jafo amewataka wahandisi washauri wanaosimamia miradi ya barabara  mbailimbali hapa nchini kuwa upande wa serikali ili kuthibiti ubora wa barabara zinazoendelea kujengwa hapa nchini .
             Hayo ameyasema  wakati akikagua maendeleo ya ujenzi  wa barabara zinazojengwa katika jiji la Arusha kupitia mradi wa mpango mji mkakati [[TSCP],Tanzania Strategic Cities Projects, Unaosimamiwa na ofisi ya Rais  TAMISEMI.
            Jafo ameongeza kwa kusema kuwa Mhandisi mshauri  anapaswa kisimama na serikali na kutoa ushauri  wenye tija na utakao leta matokeo  chanya katika utekelezaji  wa miradi  badala ya kuwatetea wamiliki  wa kampuni zinazojenga miundombinu hiyo.
              Kwa  mjibu wa Waziri huyo amesema kuwa Serikali imetoa hela nyingi  kwa ajili ya kuwekeza kwenye maendeleo  hususani miundo mbinu ya barabara ni vyema sasa wataalamu washauri mkawa bega kwa bega  na Serikali ili kuepusha  hasara inayoweza kujitokeza huko mbeleni endapo miradi hii isipojengwa kwa kiwango.
             Pia amesema kuwa hajaridhishwa  na hali ya uchafuzi wa mazingira kwenye mitaro mbalimbali ya Jiji na Arusha na kuagiza kwa wahusika mitaro hiyo kufanyiwa usafi mara  kwa mara ili kuhakikisha jiji linakuwa safi  na barabara zinazoendelea kujengwa zinadumu kwa muda mrefu .